Fiton 1 mijë euro për 17 minuta gjumë

Madrid, 25 tetor - I papunësuari Pedro Lopez është fitues i garave spanjolle në gjumë.

Pedro fitoi çmimin prej 1 mijë euro, pasi arriti të flejë 17 minuta në qendrën tregtare të Madridit. Përndryshe Pedro punonte si roje, njoftojnë mediet britanike.

Organizatorët e garave të quajtur siesta, deklaruan se tradita spanjolle e dremitjes është në rrezik për shkak të presioneve të botës moderne. Në garë është vlerësuar se kush ka fjetur më shumë, ka gërhitur më fortë dhe gjatësia e gjumit, ndërsa qëllimi ishte që garuesit të arrijnë të flenë për 20 minuta.