Vë bast 2.5 euro, fiton 1.6 milion euro

Londër, 10 mars - Steve Whiteley 60-vjeçar, i cili me kërkesën e miqve të tij vuri bast 2.5 euro për garën e kuajve, fitoi xhek potin, dhe në shtëpi shkoi me 1.6 milion euro.
Edhe pse Whiteley vuri bast për njërin nga kuajt “më të dobët”, ndodhi që të ketë fat, pasi i favorizuari i tij fitoi garën, transmeton gazeta britanike Telegraph.
Kali, në të cilin vuri paratë, fitoren e fundit e shënoi vitin e kaluar.
Whiteley që me familje jeton në Tavtonin Verior, pranon se ka vënë bast edhe më parë, por deri tani më së shumti ka fituar 130 euro, dhe për shkak të fitimit të shumës së fundit nuk do të ndalet duke vënë bast.