SHBA-të, thirrje për vetëpërmbajtje në Tajlandë

Pas përleshjeve të përgjakshme mes ‘këmishëkuqve’ opozitarë dhe forcave të milicisë në Tajlandë, Shtetet e Bashkuara të Amerikës u kanë bërë thirrje palëve në konflikt të tregohen të moderuar.

“Qeveria amerikanë është thellësisht e shqetësuar për gjendjen në Tajlandë”, tha në Washington zëdhënësi i Ministrisë së Jashtme, Philip Crowley, duke shtuar se opozita dhe qeveria duhet të gjejnë një rrugë për të zgjidhur në mënyrë paqësore mosmarrëveshjet mes tyre.

Sipas të dhënave të ekipeve të shpëtimit, nga trazirat më të fundit nëpër rrugë kanë vdekur të paktën 16 njerëz, ndërsa në mesin e të plagosurve thuhet të ketë edhe të huaj. /dw/