Forcat ushtarake ndërhyjnë me tanke në Tajlandë

Në kryeqytetin e Tajlandës ka filluar ndoshta aksioni vendimtar i forcave ushtarake kundër demonstruesve të opozitës, të cilët ishin barrikaduar në zonën tregtare të Bangkokut.



Barrikadat janë mënjanuar me tanke. Përmes altoparlantit është kërkuar që rreth 3.000 demonstruesit e mbetur, të largohen menjëherë nga kjo zonë.

Korrespondentët dhe fotografët njoftojnë edhe për të shtëna me armë zjarri dhe viktima në njerëz. Jozyrtarisht deri tani flitet për pesë të vrarë.

Të martën qeveria ka refuzuar propozimin për ndërmjetësimin e Senatit. Gjatë përleshjeve në rrugë ditëve të kaluara janë vrarë të paktën 40 persona dhe janë plagosur me dhjetëra të tjerë. Këmishëkuqtë kërkojnë dorëheqjen e qeverisë dhe zgjedhje të reja. /dw/