Opozita në Tajlandë propozon armëpushim

Një zyrtar tajlandez thotë se lëvizja opozitare e ‘Këmishave të Kuqe’ ka propozuar një armëpushim me qeverinë për t’u dhënë fund pesë ditë protestash vdekjeprurëse në rrugët e Bangkokut mes forcave të sigurisë dhe demonstruesve.



Negociuesi i qeverisë tajlandeze Korbsak Sabhavasu thotë se përfaqësuesi i ‘Këmishave të Kuqe’, Natavut Saikuva, ia ka bërë atij një telefonatë për t’i bërë ofertën për armëpushim.

Korbsak thotë se u kishte thënë ‘Këmishave të Kuqe’ se trupat tajlandeze nuk do të qëllojnë më nëse protestuesit kthehen në bazën e tyre në zonën kryesore tregtare të Bangkokut.

Trupat tajlandeze kanë që të enjten që luftojnë me militantët, të cilët dolën nga zona e tyre e protestës në rrugët përreth. Dhuna ka shkaktuar vdekjen e 36 vetave, duke përfshirë një gjeneral ushtarak që bashkëpunonte me ‘Këmishat e Kuqe’. Gjeneral major Katija Savasdipol vdiq nga plagët, pasi u qëllua në kokë të enjten nga një snajper brenda zonës së protestës. VoA