Turistët pushojnë në tanke

Bukuresht, 22 shkurt – Vëmendjen e turistëve e ka tërhequr një ish-bazë ushtarake në Rumani, ku tanket janë shndërruar në dhoma fjetje.
Turistët mund të zgjedhin midis dhomave të fjetjes në tanke dhe dhomave të fjetjes ku gjenden topat, grykat e të cilëve dalin përmes dritareve. Në bazën ushtarake në qytetin Orasti janë investuar mbi 20 milionë euro, në mënyrë që ky vend të shndërrohet në pushimore luksoze, ku turistët mund të shijojnë jetën në ushtri, transmetojnë mediet kroate.
Persona të tjerë kanë bërë tunele sekrete nëntokësore, ndërsa turistët mund të marshojnë, të stërviten, të ngasin tanket dhe të qëllojnë me armë. Çmimet sillen prej 48 euro për natë deri në 143 euro për pansion të plotë.