Dieta anabolike

Ky është njëri ndër regjimet e të ushqyerit për të cilin nuk ekzistojnë përkufizime rreth madhësisë së shujtës, meqë është kushtëzuar nga pesha trupore dhe nga qëllimet e përgjithshme të vet personit i cili ka vendosur që ta pranojë këtë lloj të të ushqyerit të përditshëm.
Kjo dmth se pika fillestare ka të bëjë me llogaritjen individuale të kalorive të domosdoshme për personin në fjalë, në baza ditore, në mënyrë që organizmi të funksionojë si duhet. Meqë të dyja këto gjëra janë të lidhura mes vete, pasi që ta arrini numrin e dëshiruar të kalorive në ditë, madhësinë e shujtave do ta përshtatni lehtë.

Kafjalli
Kur bëhet fjalë për fituesin absolut të regjimit anabolik të të ushqyerit, atëherë duhet të thuhet se këtë epitet e kanë vezët. Ato përmbajnë shumë proteina, yndyra dhe kolesterol. Në mënyrë që ta evitoni ngrënien e tepërt, atëherë pasurojeni shujtën e mëngjesit duke ngrënë edhe perime të ndryshme, sikur që është spinaqi, pastaj specat e gjelbër, brokoli, etj.
Ja disa propozime të mira që mund të jenë të dobishme për ju, kur bëhet fjalë për shujtën e kafjallit:
Omëletë me proshutë – proshuta së pari duhet të piqet në gjalpë, e më pas, pasi që të ketë marrë ngjyrë, shtoni vezët e tundura, piqni për disa minuta dhe ja, keni një ushqim të shijshëm për kafjall.
Omëletë me mish pule dhe djathë cedri – mishin e bardhë të pulës priteni në pjesë më të vogla dhe piqeni në gjalpë, vezët tundni e më pas qitni mbi mishin e pulës. Në fund shtojeni edhe cedrin.

Zamra
Kur bëhet fjalë për zamrën e pasdites, mund të provoni disa nga kombinimet në vijim:
Vezë të ziera mirë
Proshutë me majonezë
Djathë me mustardë

Dreka dhe darka
Tani në rend janë shujtat kryesore të ditës: dreka dhe darka, ku kjo e fundit shpeshherë evitohet. Kur bëhet fjalë për këto shujta, ato duhet përqendruar në përgjithësi rreth mishit të kuq, meqë kështu e kërkon regjimi anabolik i të ushqyerit. Për shumicën e njerëzve që i përmbahen këtij regjimi të të ushqyerit, më të pëlqyerit janë biftekët. Ja disa propozime.
Biftek me brokoli dhe parmezan – zieni dhe kulloni bronkolit, më pas qitni vaj të ullirit në tigan dhe shtojeni bokolin kur të jetë nxehur vaji. Pastaj shtoni parmezan dhe përzieni mirë të gjithë përbërësit. Shtoni edhe kripë e biber. Tërë kjo sasi e ushqimit duhet të shërbehet si ushqim shoqërues i biftekut, të cilin më parë e keni pjekur në gjalpë.
Biftek me bizele, qepë dhe proshutë – zieni bizelet, qepën grijeni në copë të vogla dhe fërgojeni bashkë me proshutën në tiganin, të cilin më parë e keni lyer me gjalpë. Pas disa minutave shtoni edhe bizelet dhe përzieni derisa të jenë pjekur mirë. Shërbejeni me biftek, të cilin e keni përgatitur në ndërkohë.