Rumunja 72 vjeçare dëshiron ta lindë edhe një fëmijë

Adriana Iliescu është nëna e dytë më e vjetër në botë. Rumunja 72 vjeçare lindi vajzën Eliza në moshën 66 vjeçare, ndërsa tash dëshiron ta lindë edhe një fëmijë.
“Sipas mjekësisë kjo është e pamundur. E di se kanë bërë disa teste me një britanike 70 vjeçe, kështu që mendoj se mund edhe të ndodhë. Por mua nuk më ngutet”, tha Adriana. Për vajzën e saj pesëvjeçare ajo kujdeset vetë, ndërsa është në gjendje të shkëlqyeshme shëndetësore dhe punon edhe me orar jo të plotë si profesoreshë në Bukuresht.

Adriana para gjashtë vjetësh mbeti shtatzënë me anë të mbarësimit artificial, ndërsa ajo është mërzitur kur dëgjoi se indiania Rajo Devi ka thyer rekordin e saj pasi lindi një fëmijë në moshën 70 vjeçare. Megjithatë, ajo mendon se ende mban rekordin, pasi Ravi nuk mundi ta vërtetojë datën e saktë të lindjes. Nëse ia arrin qëllimit për ta lindur edhe një fëmijë, Adriana me siguri do ta ruajë gjatë rekordin e saj.