Gjyshja 85-vjeçare – mbretëresha e hajdutëve

Budapest, 9 shkurt – Hajdutja e famshme hungareze, emri i vërtetë i së cilës është Gizella Bodnar, akoma nuk është e gatshme për pension. Edhe pse ka 85 vjet, Gizella vazhdon të punojë me orar të plotë. Policia hungareze ka njoftuar se përsëri e kanë arrestuar të hënën, pasi që nga një shtëpi në qytetin Bicska ka vjedhur rreth 55 euro. paratë i mori nga portofoli, të cilin e gjeti në dhomën e ndjenjës, transmetojnë mediet kroate.
Bodnar është hajdute që nga rinia e hershme, dhe është dënuar për mbi 20 vepra penale. Edhe pse është dënuar gjithsej me rreth 40 vjet burg, prapa grilave ka kaluar 16 vjet e gjysmë.
Në vitin 2007 ka publikuar memoaret e saj “Gizi fluturuese – mbretëresha e hajdutëve”, ndërsa për herë të fundit u arrestua në janar 2009.