Mocioni i mosbesimit nuk është akt pozitiv

Qëndrim Gashi
Edhe pse po tentohet që qytetarëve të Kosovës t’u paraqitet si i tillë, mocioni i mosbesimit nuk është akt pozitiv. Përkundrazi, ai e zbeh edhe më tutje besimin e qytetarit se institucionet e shtetit janë në funksion të mbrojtjes së interesit të tij.
Kështu tha një nga përfaqësuesit e partisë Fryma e Re, Qëndrim Gashi, në një konferencë për media të organizuar për të komentuar mocionin e mosbesimit të Qeverisë. Ai tha se mocioni i mosbesimit është edhe një hap në vazhdimësinë e degradimit të institucioneve dhe shtetësisë së Kosovë.

“Keqqeverisja; mungesa e njohjeve të Kosovës; mungesa e vendeve të punës; korrupsioni; jofunksionaliteti i qeverive lokale; problemet e theksuara në Raportin e Progresit të Bashkimit Evropian; sjellja jokompetente e qeveritarëve si ajo e ZanziBarit; braktisja e shtetit nga ministrat brenda natës; shkelja e Kushtetutës. Të gjitha këto e kanë sjellë shtetin në një situatë shumë të rëndë”.

“Kemi grupe që keqqeverisin, kemi grupe që e braktisin shtetin, kemi grupe opozitare që e lavdërojnë keqqeverisjen, por nuk kemi parti politike parlamentare të përgjegjshme që punojnë për interesat e popullit, e jo vetëm të disave”.

“Nëse theksohet se institucionet duhet të jenë të përgjegjshme, atëherë kjo shënon kulmin e papërgjegjësisë dhe lojërave të dyfishta, ku interesi i Kosovës nuk merret në konsideratë”.

Gashi tha se përgjegjësi do të ishte dhënia e dorëheqjes. Ai tha se ka raste kur një pjesë e partisë në pushtet voton kundër qeverisë së vet, për shkak se e ka humbur besimin, por ku ka në botë parti që votojnë, të gjithë, kundër qeverisë se vet