Kërkohet punë që Raporti i Progresit të jetë pozitiv

Ministri i Punëve të Brendshme, Bajram Rexhepi u takua të martën me ushtruesin e detyrës së shefit të Zyrës Ndërlidhëse të Komisionit Evropian në Prishtinë Khaldoun Sinno. Ky i fundit shpreh interesin që të vazhdohet me dinamikën e deritanishme edhe gjatë muajve të verës, në mënyrë që Raporti i Progresit të jetë sa më pozitiv për Kosovën.

Në njoftimin për media thuhet se gjatë këtij takimi u diskutua për implementimin e agjendës Evropiane dhe përgjegjësive që i takojnë Ministrisë së Punëve të Brendshme në këtë fushë.

Rexhepi e informoi për progresin e arritur në fushën e legjislacionit, riatdhesimit dhe ri-integrimit, sigurinë e dokumenteve, luftën kundër krimit të organizuar, si dhe Menaxhimin e Integruar të Kufijve.

Ndërsa, Khaldoun Sinno shprehu interesin që të vazhdohet me dinamikën e deritanishme edhe gjatë muajve të verës, në mënyrë që Raporti i Progresit i ardhshëm të jetë sa më pozitiv për Kosovën. /Telegrafi/