Behrami beson në rezultat pozitiv ndaj Arsenalit

Mesfushori kosovar i West Hamit, Valon Behrami, beson se skuadra e tij mund të nxjerrë rezultat pozitiv të shtunën, kur do të përballet me Arsenalin në stadumin "Emirates" në Londër. Behrami vlerëson se sulmuesi nigerian i skuadrës së tij Victor Obinna mund t'i befasojë "topçinjtë". "Do të jetë një ndeshje e vështirë, por kundër Arsenalit kemi luajtur mirë në stinorët e fundit. Nëse vazhdojmë të luajmë sikur në League Cup kundër Stoke Cityt, atëherë mund të nxjerrim rezultat të mirë. Veçanërisht nëse Victori luan si di. Të gjithë do të kenë frikë të luajnë një kundër një ndaj tij. Ai është fenomenal dhe mund të shënojë sa herë të ketë rast", ka thënë Behrami, shkruan "Sky Sport". Behrami javën e kaluar është kthyer nga lëndimi që e mbajti jashtë fushës së blertë për një muaj.