Do t’i luftojmë bandat që po e udhëheqin Kosovën

Shqiptaro-amerikani, Florin Krasniqi i ka quajtur banditë udhëheqësit e Kosovës, duke cilësuar ata si më e keqja që i ka ndodhë vendit që pasçlirimit.
Anëtari i lëvizjes “Vetëvendosje” tha se lufta e tij e radhës, pas asaj me Serbinë, do të jetë ajo për ta çliruar vendin nga bandat kriminale, që sipas tij kanë udhëhequr pas luftës në Kosovë.

Zhdukja e këtyre bandave, siç ai i quajti, do të bëhet atëherë kur “Vetëvendosja” do të fitojë zgjedhjet parlamentare dhe do t’u pamundësojë atyre abuzimin me shtetin.

Në anën tjetër, Albin Kurti, lideri i “Vetëvendosjes” tha se, rrëzimi i Qeverisë Thaçi ka ndodhur qysh moti, atëherë kur kjo qeveri pranoi simbolet që i ka aktualisht Kosova dhe atëherë kur e pranoi Planin gashtë pikësh të sekretarit të përgjithshëm të OKB-së, Ban ki Moon.

Kurti, tha se e ka ndërmend të kandidojë në zgjedhjet e ardhshme dhe sipas tij, nuk mund ta pengojnë ligjet që janë në fuqi. /