Batista konfirmohet trajner i Argjentinës

Sergio Batista

Sergio Batista, i cili ka qenë ushtrues i detyrës së trajnerit të Argjentinës pas largimit të Maradonas, tashmë është konfirmuar edhe zyrtarisht në postin e përzgjedhësit të Argjentinës, në bazë permanente.
47 vjeçari, i cili drejtoi ekipin e U-23 të Argjentinës në Lojërat Olimpike, Pekini 2008, ka nënshkruar kontratë katërvjeçare që e mban atë në krye deri në fund të Botërorit 2014, i cili zhvillohet në Brazil.

“Unë po e realizoj një ëndërr, një prej objektivave më të mëdhenj. Unë dua që ne ta fitojmë atë që aq shumë e dëshirojmë, ndeshjen e fundit të Botërorit 2014”, theksoi Batista.

Argjentina e ka fituar Kupën e Botës për herë të fundit në vitin 1993, nën parardhësin e Maradonas, Alfio Basile