Blerësit e kënaqur me HTC në Windows Phone 7

HTC thotë se ka arritur të tejkalojë pritjet e kompanisë me shitjet e telefonave të ri të cilët bazohen në Windows Phone 7.
Modelet e telefonave si HTC HD7 apo HTC Mozart tashmë janë duke u shitur edhe në Gjermani e Australi, përmes operatorëve O2 dhe Telstra. Për këto modele të reja, HTC ka deklaruar se ka pasur probleme me kërkesën, pasi që e njëjta ka tejkaluar pritjet e këtij prodhuesi të mirënjohur.

Në anën tjetër, merret vesh se kërkesë të madhe ka pasur edhe për modelet e telefonave të prodhuar nga Samsung dhe LG, mirëpo për këto modele thuhet se entuziazmi i konsumatorëve është në rënie.

Ndërsa krijuesi i platformës mobile, kompania Microsoft thotë se besimi për suksesin e këtij sistemi operativ të dedikuar për telefonat mobil është i madh, sidomos duke pasur parasysh reagimin pozitiv të tregut në Evropë dhe Australi.