Nokia me telefona të mençur Windows Phone 7?

Gjatë dhjetorit të vitit të kaluar ishin përhapur shumë thashetheme të cilat raportonin se Nokia do të lansojë një seri të telefonave të mençur gjatë vitit 2011, të cilët do t’i bazonte në sistemin operativ të Microsft, Windows Phone 7.

Tani, sipas Tech Radar thuhet se para datës 11 shkurt, Nokia do ta bëjë zyrtare informatën për telefonat e saj Windows Phone, ndërsa pikërisht në këtë ditë drejtori ekzekutiv i kësaj kompanie do ta mbajë një fjalim në Londër, në një ngjarje e cila konsiderohet edhe si pikënisje për lansimin e këtyre telefonave të mençur nga kompania finlandeze.

Për momentin, Nokia ka ngecur me sistemin e saj operativ Symbian, i cili me sa duket nuk po funksionon edhe aq mirë, të paktën në sytë e përdoruesve të cilët janë kthyer kah Android dhe iOS.

Mirëpo, kjo mund të jetë pikërisht arsyeja e cila do ta shtyjë Nokia’n të ri-modelojë biznesin e saj të telefonave dhe sistemin operativ që këto pajisje do ta mbajnë.

Për më shumë, deklarata e Nokia’s se nuk planifikon të ketë pajisje mobile në Android na shtyn edhe më shumë të mendojmë se ky prodhues i është drejtuar pikërisht sistemit operativ të kompanisë Microsoft, i cili nuk ka shumë kohë që është lansuar dhe për momentin po ecën me hapa më të ngadalshëm se sa konkurrentët e saj në treg