Copy/Paste edhe për Windows Phone 7

Për një kohë të gjatë ne kemi dëgjuar se poseduesit e rinj të telefonave të mençur të cilët bazohen në Windows Phone 7 do të duhet të presin deri në vitin e ardhshëm, për të pasur mundësinë të përdorin funksionet e “copy and paste” në pajisjet e tyre mobile.
Mirëpo, tani duket se kjo gjë do të ndryshojë, pasi që telefonat e mençur me Windows Phone 7 brenda disa javëve do të kenë funksionin “copy” dhe “paste” në sistemin më të ri operativ të kompanisë Microsoft.

Deri në fund të vitit 2010 kanë mbetur edhe më pak se tetë javë, dhe kjo do të thotë se funksioni i ri, i cili është mjaft lehtësues për përdoruesit që shumicën e kohës janë të zënë, dhe nuk mund të presin të shkruajnë tekste të gjata në telefonin e tyre mobil, do të dal së shpejti.