Nderohet me titullin ‘Doctor Honoris Causa’

Universiteti i Prishtinës të enjten nderoi kryeministrin e Turqisë, Recep Tayyp Erdogan me titullin “Doctor Honoris Cause”, si shenjë mirënjohje për angazhimin e tij rreth Kosovës.
Mirënjohja ‘Doctor Honoris Cause” u tha se i ndahet për gjithë çfarë bëri ai për çlirimin, pavarësinë dhe afirmimin e shtetit të Kosovës gjatë dy dekadave të fundit.

Në këtë ceremoni të pranishëm ishin kryeministri në dorëheqje Hashim Thaçi, diplomatë dhe përfaqësues të pranisë ndërkombëtare në Kosovë.

Kryeministri i Turqisë, i cili është kryeministri i parë turk që vizitoi Kosovën tha se është i nderuar me këtë mirënjohje, ndërsa shtoi se këtë e kupton si një detyrë për të vazhduar mbështetjen për shtetin e Kosovës në të gjitha fushat.

Erdogan të mërkurën në mbrëmje është shpallur edhe "qytetar nderi” i Prizrenit.