Ischinger nderohet me titullin “Honoris Causa”

Ish-i dërguari i Bashkimit Evropian për statusin e Kosovës,
ambasadori Wolfgang Ischinger të hënën në Prishtinë tha se bisedimet
Prishtinë-Beograd janë në të mirë të dy vendeve, ndërsa theksoi se
Kosova ka një perspektivë të qartë evropiane. Ai këto
komente të hënën, me ç’rast u nderua nga Universiteti i Prishtinës me
çmimin “Doktor Honoris Causa” për kontributin ndaj Kosovës. Ischinger me
këtë rast tha se ndihet i privilegjuar që i është dhënë ky titull.
“Kosova ka një perspektivë të qartë në rrugëtimin drejt familjes evropiane”, tha diplomati gjerman, duke folur rreth Kosovës.
Sipas tij, bisedimet mes Kosovës dhe Serbisë, duhet të na çojnë deri te një marrëveshje, që lejon dy popujt të jetojnë në paqe.
Rektori i UP-së, Mujë Rugova theksoi se ndihej i nderuar që së bashku
me stafin e universitetit po ndante titullin “Doctor Honoris Causa” për
ish- diplomatin gjerman.
Ministri i Arsimit, Ramë Buja përmendi se Ischinger ka qenë i
përfshirë në disa poste kyçe në formulimin dhe ndërtimin e politikës së
jashtme gjermane në Ballkan, në veçanti në Bosnje dhe Kosovë, në formën e
marrëdhënieve midis NATO-s dhe Rusisë, si dhe në proceset e zgjerimit
të Bashkimit Evropian dhe NATO-s.
Buja theksoi se Ischinger është angazhuar për vizionin e një bote pa
armë bërthamore, ndërkaq falënderoi atë për tërë angazhimin, punën dhe
aktivitetin politik dhe diplomatik për të sjellë Kosovën në pozitën që
cilën e ka sot si shtet i pavarur.
Pjesëmarrës të kësaj ngjarje ishin profesorë, përfaqësues politikë vendor e ndërkombëtar . /Telegrafi/