Mbështetje evropiane për Symbian

Symbian ka marrë mbështetjen e konsorciumit e shteteve evropiane dhe kompanive nëpërmes investimit prej 22 milionë eurosh.
Sistemi operativ mobil Symbian ka marrë mbështetjen e konsorciumit e shteteve evropiane dhe kompanive të quajtur SYMBEOSE (Symbian - the Embedded Operating System for Europe).
http://www.telegrafi.com/fo/2010/symbian111.jpg
Symbian është shpallur “The Embedded Operating System for Europe”, e konsorciumi në të do të investojë 22 milionë euro. Prej kësaj shumë 11 milionë euro do t’i investojë Komisioni Evropian. Sipas informatave të publikuara në blogun e Fondacionit Symbian, nëpërmes këtij investimi dëshirohet të mbështetet zhvillimi i teknologjisë së re për platformën Symbian.

Tani për tani nuk është bërë publik informacioni se kush janë anëtarët e SYMBEOSE, mirëpo supozohet se bëhet fjalë për 24 kompani, përfshirë edhe prodhuesit e mëdhenj të pajisjeve mobile, operatorë të telefonisë mobile si dhe prodhues të elektronikës shpenzuese.