Ballkan: Pak mbështetje për hetimin e krimeve të luftës

Një nismë për krijimin e një komisioni për hetimin e krimeve të
luftës në ish Jugosllavi, i njohur me shkurtesën RECOM, ka fituar më pak
mbështetje se sa është pritur, kanë thënë organizatorët në Sarajevë.Organizatorët
në një konferencë për media u shprehen se ata po përpiqen t’i
përcaktojnë faktet për krimet e luftës, që ndodhën gjatë shkatërrimit të
ish Jugosllavisë, në periudhën 1991 – 2001, raporton Radio Evropa e
Lirë.
Një aleancë e organizatave joqeveritare, që angazhohen për mbështetje
të RECOM-it, kanë tubuar më pak se 500 mijë nënshkrime, e jo një milion
sosh, sa shpresonin.
Në Serbi nënshkrimet i kanë dhënë afro 240 mijë njerëz, në Kosovë 100
mijë, në Bosnjë 85 mijë, në Maqedoni 10 mijë, në Kroaci 20 mijë, në
Slloveni – 5 mijë, ndërsa në Mal të Zi – 30 mijë.
Organizuesit njoftuan se fushata për një milion nënshkrime do të vazhdoj në Facebook dhe në faqet e tjera në Internet. /Telegrafi/