Gratë ndihen të anashkaluara në institucione

Prishtinë, 4 nëntor - Çështjet e grave nuk janë prioritet i institucioneve vendore , e as të atyre ndërkombëtare. Kjo është thënë në promovimin e raportit hulumtues “Auditimi Gjinor i Projekteve të Bashkimit Evropian në Kosovë”.

Drejtoresha e Qendrës Kosovare për Studime Gjinore, Luljeta Vuniqi ka thënë se qëllimi i këtij raporti është që çështjet e grave të jenë prioritet si për vendorët ashtu edhe për ndërkombëtaret , për çka, siç tha ajo, nuk kanë marrë madje asnjë premtim.

Nga ana tjetër, Zylfije Hundozi kryetare e Komisionit Evropian në Kuvendin e Kosovës është shprehur se asnjëherë në Kuvend grave nuk u është dhënë mundësia për të qenë në pozita të rëndësishme, brenda këtyre 10 vjetëve.