Realizohet me sukses implantimi i retinës

Berlin, 4 nëntor - Shkencëtarët gjermanë kanë njoftuar se kanë arritur të bëjnë implantimin e retinës së syrit. Me këtë teknologji synohet t'iu rikthehet shikimi njerëzve që vuajnë nga verbëria e trashëguar.

Shkencëtarët britanikë kanë deklaruar se implantimi i retinës paraqet përparim të madh në përmirësimin elektronik të shikimit.

Tre pacientët të cilët i janë nënshtruar implantimit, pas ndërhyrjes kanë qenë në gjendje t'i dallojnë format dhe objektet, ndërsa njëri nga ata ka mundur të ecë vetë në dhomë, t'i0u afrohet njerëzve, të shohë dhe t'i dallojë shtatë hije të ngjyrës gri.

Ky zbulim mund t'iu ndihmojë rreth 200 000 njerëzve në botë, të cilët vuajnë nga "retinis pigmentosa", sëmundje degjeneruese, e cila i dëmton receptorët e shikimit dhe si rrjedhojë e kësaj retina pushon së funksionuari.