Sejdiu nuk saktëson nëse do të tërhiqet nga gara

Fatmir Sejdiu, kryetar i Lidhjes Demokratike të Kosovës as të premten nuk ka saktësuar nëse e ka ndërmend të tërhiqet nga gara për kryetar të partisë.
Gjatë një konference për media, Sejdiu tha se i mbetet besnik pohimeve të tij të mëhershme se do ta respektojë statutin e partisë, ndërsa tha se qëndrimi i tij do të bëhet i ditur të dielën kur do të mbahet Kuvendi zgjedhor.

Duke iu kundërpërgjigjur shkrimeve në media lidhur me tërheqjen e tij nga gara për kryetar të partisë, ai tha se u takon medieve të shkruajnë, duke mos komentuar saktësinë e tyre.

Ndryshe, kjo ishte mbledhja e fundit me kryetarët e degëve të LDK-së para Kuvendit zgjedhor, që do të mbahet të dielën.