Thaçi i kërkon Pacollit të tërhiqet

Kriza politike në Kosovë u thellua të shtunën. Përveç mospajtimeve pozitë-opozitë rreth zgjedhjes së presidentit u shfaqën edhe çarjet e para të koalicionit qeverisës PDK-AKR.
Të shtunën kryeministri Thaçi i ka kërkuar Pacollit të tërhiqet nga synimet e tij për tu bërë president për shkak të refuzimeve të opozitës për të marrë pjesë në seancë kur të votohet për të.

Por kjo kërkesë e Thaçit vlen vetëm për Pacollin, por jo edhe për partinë e tij, AKR. Kjo ka nxitur edhe reagimin e partisë, që të shtunën përmes një komunikate për media kërcënoi me prishje të koalicionit, raporton gazeta Express.

Pavarësisht kërcënimit të AKR-së, ushtruesi i detyrës së kryetarit të AKR-së, Ibrahim Makolli ka thënë se marrëveshja është ende valide dhe koalicioni po funksionin. Zhvillime të reja pritet të ndodhin gjatë të dielës. /Telegrafi/