Thaçi kërkon sqarime nga Grabovci

Votimi kundër shtrirjes së autoritetit në veri nga disa deputetë
të PDK-së, nuk e kanë lënë pa e nervozuar kreun e saj, konkretisht
kryeministri Hashim Thaçi.Duke u thirr në burime të saja,
Bota Sot , shkruan se atë ditë Grupi Parlamentar i PDK-së nuk ka mbajtur
fare takim paraprak kështu që ky grup parlamentar nuk ka pasur fare
qëndrim të vetin se si do të votohet për propozimin e Lëvizjes
Vetëvendosje për shtrirjen e sovranitetit të vendit në veri.
I pyetur nga gazeta se si e vlerëson këtë veprim të disa deputetëve
të PDK-së në seancën e 5 majit, kryeministri Hashim Thaçi ka thënë se me
të dëgjuar lajmin në media e ka kontaktuar shefin e Grupit Parlamentar
të PDK-së, Adem Grabovcin dhe ka kërkuar nga ai një shpjegim për këtë
veprim.
Sipas Thaçit, Grabovci i ka thënë se atë ditë Grupi Parlamentar i
PDK-së nuk ka mbajtur fare mbledhje paraprake dhe deputetët e kësaj
partie kanë hyrë në seancë pa një qëndrim unik paraprak. /Telegrafi/