Ministri i Jashtëm i Maldiveve viziton AKR-në

Ministri i Jashtëm i Maldiveve është një mik i madh i Kosovës, i cili ka meritën kryesore të njohjes së Kosovës prej shtetit të vet, në njëvjetorin e shpalljes së pavarësisë- tha kreu i AKR-së, Behgjet Pacolli, në konferencën e tij për shtyp, së bashku me ministrin e jashtëm të Maldiveve, Ahmed Shaheed.
“Ai ka meritën në realizimin e 100 kontakteve të mia me mbretër, presidentë dhe kryeministra. Vetëm në Asamblenë e Përgjithshme të OKB-së, e cila zhvilloi punimet në shtator, me ndihmën e z. Shaheed, ne realizuam 43 takime të nivelit të lartë”, tha Pacolli duke shtuar se Ministri Shaheed ka vënë në dispozicion të Kosovës gjithë potencialin e vet njerëzor dhe diplomatik.

Ministri i Jashtëm i Maldiveve, nga ana e tij, vlerësoi mikpritjen e rezervuar nga ana e autoriteteve qoftë në Shqipëri dhe në Kosovë. Ai tha se ndihej veçanërisht i nderuar nga vlerësimi akademik "honoris causa", prej Universitetit AAB- Riinvest. Ai tha se kishte harxhuar shumë kohë në takime me zyrtarët më të lartë të Kosovës dhe diplomatë perëndimorë për të punuar dhe në të ardhmen për njohje të reja.

Në një komunikatë të lëshuar nga AKR, thuhet se Shaheed vlerësoi si jashtëzakonisht të rëndësishme vizitën e Pacollit në Libi, dhe tha se presidenti libian i Asamblesë së Përgjithshme të OKB-së, ishte ai që ndaloi nxjerrjen e delegacionit kosovar të nivelit të lartë nga salla e OKB-së.