Ministri i Jashtëm i Malit të Zi viziton Kosovën

Me ftesë të Ministrit të Punëve të Jashtme të Republikës së
Kosovës, Enver Hoxhaj, të enjten do të qëndrojë në vizitë zyrtare në
Kosovë, Ministri i Punëve të Jashtme dhe Integrimeve Evropiane i
Republikës së Malit të Zi, Milan Rocen.Gjatë kësaj vizite, ministri Rocen do të ketë takime me përfaqësues të institucioneve të Republikës së Kosovës.
Në takimin pritet të diskutohen tema të ndryshme me interes të të
dyja shteteve, me theks të veçantë për forcimin e marrëdhënieve
bilaterale mes Republikës së Kosovës dhe Malit të Zi, si dhe për
proceset e përbashkëta integruese të dy vendeve fqinje.
Në njoftimin për media thuhet se do të diskutohet edhe për të
forcimin e bashkëpunimit në mes dy shteteve në nisma rajonale si dhe për
mbështetjen reciproke për integrimin e Republikës së Kosovës dhe Malit
të Zi në strukturat euroatlantike.
Në takimin mes ministrit Hoxhaj dhe homologut nga Mali i Zi, Milan
Rocen do të flitet për nevojën e nënshkrimit të shumë marrëveshjeve
bilaterale, të cila do të ndikojnë në lidhjen më të fortë mes dy
shteteve. /Telegrafi/