Të ndihesh mire ashtu siç edhe ushqehesh!

Ulliri mbron nga kanceri i gjirit

Grate qe konsumojne shume vaj ulliri ne ushqimet e tyre jane me pak te rrezikuara nga kanceri i gjirit. Shkencetaret kane zbuluar se dieta mesdhetare ne te cilen perdoret shume vaji i ullirit mbron nga kanceri i gjirit. Studiuesit qe i botuan rezultatet e punes se tyre ne revisten “Analet e Onkologjise” jane shprehur se acidi oleik qe gjendet ne vajin e ullirit mund te ndihmoje ne kurimin e kesaj semundjeje. Studimet e meparshme kane treguar se per grate qe jetojne ne vendet ku perdoret nje diete e pasur ne proteina, rreziku nga kanceri i gjirit eshte pese here me i larte se ne ato vende ku kultura e te ushqyerit eshte per nje diete me me pak kalori.
Megjithate, grate qe ushqehen me vaj ulliri duket se jane te mbrojtura nga ky lloj kanceri. Studiuesit ne Spanje dhe ne SHBA gjeten se nje prej perberesve te vajit te ullirit ul me gjysmen e tyre nivelin e substancave qe shkaktojne kancerin e gjirit. Testet laboratorike mbi qelizat kanceroze te gjirit treguan se acidi oleik e bente me te efektshem medikamentin qe perdoret kunder kancerit dhe rriste prodhimin e proteinave qe lufton tumoret. Tani shkencetaret do te shohin nese teoria e tyre provohet gjate eksperimenteve me kaviet.

Efektet e perdorimit

Vaji i ullirit perdoret gjeresisht per vlerat e tij te larta dietike dhe mjekesore. Gjethet dhe lekura e ullirit permbajne tanine, per kete arsye ato jane te hidhura dhe kane veti rrudhese tonike. Por keto dy pjese te kesaj peme kane dhene rezultate shume te mira kunder semundjes se tensionit te larte, temperatures se larte, arteriosklerozes, etj.

Kura qe rekomandohet

Ne rastet e semundjeve me temperature te larte, gjethet dhe lekura e ullirit kane veti diuretike si dhe pakesojne sheqerin ne gjak. Per keto raste u rekomandohet te gjithe te prekurve nga temperatura e larte qe te perdorin kete kure.

Merren 40-50 gjethe ulliri dhe zihen ne gjysme liter uje derisa te mbetet 3/4 e ujit. Pergatesa ftohet, kullohet dhe me pas hidhet ne te nje luge sheqer ose mjalte. Rekomandohet te pihet nga nje filxhan caji ne dite.

Caji i mesiperm ka dhene rezultate te mira edhe ne uljen e tensionit te larte te gjakut. Ulliri eshte nje ilac popullor qe sherben edhe per sherimin e dhembjeve te stomakut dhe kunder te vjellave. Per te qetesuar dhembjet e stomakut merren 100 gjethe ulliri, te cilat zihen ne nje liter uje derisa te mbetet gjysme litri. Me pas kullohet dhe pihet tri here ne dite nga nje filxhan caji para buke. Kjo kure duhet te vazhdoje per tri dite rresht.

Vaji i ullirit

Vaji i ullirit tretet mire dhe perthithet lehte nga organizmi. Ai eshte nje qetesues, sepse pakeson dhembjet dhe ndihmon ne tretjen e gureve ne temth.
Por sherimi arrihet duke pire cdo dite nga nje filxhan me vaj ulliri cdo mengjes esell per pese dite radhazi. Vaji i ullirit ndihmon edhe per heqjen e gureve ne veshka si dhe lehteson dhembjet e veshkave. Ai gjithashtu lehteson lirimin e gypit tretes nga mbeturinat ushqimore si dhe lufton kapsllekun dhe kolitin.

Perdorimi

Per keto qellime, vaji i ullirit duhet te perdoret i fresket dhe jo i djegur. Nese ai eshte i djegur e ngacmon stomakun duke shkaktuar djegie ne stomak, sepse mbetet i patretur dhe shkakton dhembje koke. Per sherimin e kapsllekut dhe kolitit, vaji i ullirit perdoret ne kete menyre: Merret nje luge gjelle me vaj ulliri, futet ne nje gote te mbushur deri ne gjysme me uje dhe pihet ne mengjes esell.

Kokrrat e ullirit

Kokrrat e ullirit bejne mire kur i konsumojne ata qe vuajne nga semundja e sheqerit. Eshte e keshillueshme qe diabetiket te hane sidomos kokrra jeshile, te cilat shuajne etjen qe shkakton diabeti. Kokrrat e gjelberta te ullirit sherojne diabetin, por te semuret me kete semundje duhet te hane nga pese kokrra ulliri te gjelberta esell ne mengjes per pese dite rresht.

Vaji i ullirit, në peshoren e vlerave dhe antivlerave

Vaji i ullirit, përbën një formulë shëndeti dhe jetëgjatësie. Në të gjenden acidet omega-3-yndyrore, vitamina A dhe E, metale, selen, si dhe substanca antioksiduese, të cilat mbrojnë qelizat nga shkatërrimi, që mund të vijës si pasojë e radikaleve e të lira.

Në balancën mes të mirave dhe të këqijave natyrisht, peshorja anon nga dobitë. Kështu është provuar shkecërisht se vaji i ullirit rrit sasinë e kolesterolit duke ndihmuar kështu funksionin e mirë të enëve të gjakut.

Parandalon formimin e trombozave. Personat që konsumojnë dy lugë vaj ulliri në ditë, kanë rënie të LDL-kolesterolit dhe ngritje të nivelit të substancave antioksiduese në gjak të cilat kanë efekt pozitiv në mbrojtjen e zemrës. Ul presionin e gjakut dhe ndihmon në terapinë e hipertensionit. Ndihmon në funksionin optimal të trurit, si dhe në shëndet të mbarë të kockave, sidomos në fëmijë të vegjël, pasi ndihmon në absorbimin e kalciumit.

Duke qenë i pasur në vitaminë E, ndihmon në mbarëvajtjen e procesit të plakjes dhe, për këtë, është i domosdoshëm për të moshuarit. Mbron stomakun nga ulcera dhe gastriti. Po kështu mbron mëlçinë nga çrregullime dhe infeksione të ndryshme.

Studimet e reja tregojnë se vaji i ullirit ndihmon në parandalimin e kancerit të lëkurës, të zorrës, të prostatës dhe të gjirit dhe mbron qelizat e ADN-në nga deformimet, që mund të çojnë në shfaqjen e kancerit. Është më rezistues ndaj temperaturave të larta të gatimit.

Tani erdhi radha e efekteve negative. Duhet dimë edhe këtë: Vaji i ullirit është produkti që, në 100 g ka pothuajse 1.000 kalori, më shumë nga çdo lloj ushqimi tjetër. Për këtë arsye duhet konsumuar me sasi shumë të kufizuara, pasi mund të çojë shumë lehtë në shtim peshe.

Niveli i ulët i vitaminës D shkakton kancer

Mungesa e vitaminës D ka qenë shpesh shkaktar i shumë sëmundjeve, por kërkimet e fundit tregojnë se niveli i ulët i vitaminës D tek gratë shkakton kancer të gjoksit, i cili mund të çojë edhe në vdekje.

Studimi tregon se vitamina D mund të ndihmojë në luftimin e sëmundjes së kancerit. Studiuesit në Universitetin e Torontos studiuan lidhjen midis vitaminës D në gjak dhe shkalëss së kancerit në gji në 512 gra.

Për herë të parë u pa se ato gra që kishin nivel të ulët të vitaminës D kishin përshkallëzim të madh të kancerit në gji.


Përveç faktit se vitamina D ka impakt në kancerin e gjirit, shkencëtarët nuk kanë vërtetuar ende se duke marrë vitaminë D mund të parandalohet sëmundja. Ata nuk kanë dhënë ndonjë rekomandim që gratë e shëndosha të marrin më shumë vitaminë D.

Julie Gralpoë, specialiste onkologjike dhe profesore thotë se nuk i rekomandon gratë të cilat nuk kanë kancer të marrin vitaminë D. Por ajo thotë se të gjitha gratë duhet të shikojnë nivelin e vitaminës D dhe të marrin masa nëse kanë mungesë të saj.

Testi për vitaminën D është shumë i thjeshtë dhe mund të matet nëpërmjet gjakut .

Brokoli, i dyti në 10 ushqimet më të shëndetshme!



Historiku i brokolit

Brokoli u zhvillua në Itali dhe bën pjesë në grupin e zarzavateve, në familjen e lulelakrës, lakrës, preshit, lakrës së Brukselit etj. Konsiderohet nga zarzavatet më të ushqyeshme dhe bën pjesë në “Top 10” të ushqimeve më të shëndetshme dhe më të pasura në vitamina, minerale dhe përbërës antioksidantë.

Të mirat…

Brokoli është konfirmuar si një nga ushqimet me veti të fuqishme antikanceroze. Në 20 vitet e fundit studime të shumta kanë konkluduar se njerëzit që konsumojnë sasi të konsiderueshme të brokolit kanë shfaqur më pak kancer të zorrës së trashë, gjoksit, qafës së mitrës, mushkërive, prostatit, esofagut, laringut dhe tëmthit. Disa nga përbërësit e brokolit luftojnë faktorë që nxisin zhvillimin e kancerit si dhe aktivizojnë enzima të qelizave të trupit tonë që luftojnë kancerin.

Brokoli është shumë i pasur në kalcium, hekur dhe magnez. Mbi të gjitha është shumë i pasur në vitaminë A dhe C, duke ia kaluar akoma edhe portokalleve në përqendrim të kësaj të fundit.

Brokoli përmban sasi të konsiderueshme të acidit folik, një vitaminë kjo e cila parandalon defekte në lindje, si dhe ofron mbrojtje për sistemin kardiovaskular.

Të këqijat…..

Rastet ku nuk rekomandohet konsumi i brokolit janë kur personat kanë diskomforte intestinale (diarre, inflamacion të zorrëve etj) ku rekomandohet një dietë e ulët në fibra bimore, si dhe rastet kur kemi nevojë që personi të shtojë në peshë. Në këtë të fundit brokoli rekomandohet në sasi të vogla dhe jo shumë shpesh pasi i pasur siç është në fibra bimore ai jep shpejt ndjesinë e ngopjes

Shoqërohet me…

Shkon shkëlqyeshëm si zarzavat i gjallë në pjatancat e miks zarzavatesh të freskëta të shoqëruara nga një salcë kosi ose salcë e një tipi tjetër.

S’ka gjë më të shijshme se sa brokoli në avull me limon dhe vaj ulliri ose pak gjalpë.

Vaj ulliri me pak hudhër te tiganisur në të do t’i jepte brokolit të zier në avull shumë shije, dhe pak parmezanë e grirë akoma më shumë.
Brokoli iu shtohet fare mirë gjellëve të tenxheres, makaronave, sallatave si dhe picës.

*Kur brokoli konsumohet se bashku me domate shumëfishohet efekti antikanceroz që ofrojnë të dyja këto zarzavateve!!

Sa shpesh ta konsumojmë…?

Sa më shpesh të konsumohet aq më mirë. Një racion rreth 150gr, 1 herë në 2-3 ditë do të ishte ideale, duke i lënë vend dhe zarzavateve të tjera në menunë tonë.