Të dyshuarit mund të kandidohen

Ligji ua ndalon kandidimin për deputetë vetëm të dënuarve, e të dyshuarve jo- shkruan gazeta Koha Ditore, sipas të cilës njerëzit me hipotekë të dyshimtë nuk do t’i pengojë askush në rrugën për të zënë apo rizënë ulëset në Kuvendin e Kosovës.
Gazeta shkruan se shoqëria civile ka thënë se nuk do t’i etiketojë si të korruptuar asnjërin nga politikanët e dyshuar, ndërsa nga misioni EULEX kanë treguar se nuk do të përshpejtojnë apo ngadalësojnë procesin e hetimit të zhvilluar ndaj këtyre pretendentëve për të ardhur në institucionet e Kosovës.

Ndërkohë, midis emrave që kanë zënë vend në listat e kandidatëve të subjekteve politike për deputetë, ka të dënuar jo shumë moti, ka të tillë, ndaj të cilëve po zhvillohen procese gjyqësore dhe ka që janë nën hetime. Madje, ka bartës listash me këso problemesh, e po kështu një numër i madh ndodhen edhe në dhjetëshe të këtyre listave.