Arsenali i fortë për Evertonin

Arsenali ka arritur të shënojë fitore tejet të rëndësishme në Godisson Park te Evertoni, me rezultat të pastër 2-1.
Arsenali e dominoi ndeshjen lehtë, por as Evertoni nuk është sprapsur, pasi që të urdhëruarit e David Moyes arritën të shënojnë vetëm një gol, përkundër mundësive.

Bacary Sagna zhbllokoi rezultatin falë ndihmës së Andrey Arshavin pas 36-të minutash lojë.

Me të filluar pjesa e dytë, Marouane Chamakh asistoi për Cesc Fabregas i cili iu rikthye golave (48’), për 2-0. Evertoni bëri presion, por pos një goli të Tim Cahill (89’), vendasit nuk arritën të nxjerrin së paku një barazim.

Arsenali zë pozitën e dytë me 26 pikë, një më shumë se United në pozitën e tretë dhe dy më pak se Chelsea që luan ndaj Sunderlandit.