Venecianët protestojnë për shkak të turistëve të shumtë!

Venecia, 14 nëntor – Qytetarët e qytetit më të njohur italian në botë, Venecias, kanë organizuar sot një “protestë ironike” për arsye të çmimeve në ngritje dhe rritjes së numrit të vizitave turistike, duke porositur se qyteti i tyre interesant gjithnjë e më shumë po shndërrohet në Disneyland, përkatësisht Veniceland.
“Venecia është shndërruar në park argëtimi për rreth 20 milionë turistë, të cilët çdo vit bëjnë invazion në ne”, ka thënë Marco Seci, zëdhënës i grupit “Venecia”, e cila e ka organizuar protestën.
“Gjithçka mundemi tashti të bëjmë është që të mbajmë argëtimin dhe të promovojmë parkun argëtues Veniceland. Ky do të ishte një provokim ironik për administratën e qytetit, e cila duket sikur nuk dëshiron që kjo situatë të ndryshojë”, ka thënë ai.
Demonstruesit bartnin kostume gjatë shëtisë buzë kanalit Grande.
Prefekti i Venecias, Giorgio Orsoni ka deklaruar për mediat se ai do të bashkëpunojë me këtë grup në mënyrë që të gjenden zgjidhjet më të mira.