Arabia Saudite “luan” me Facebook

dhe një rast mjaft konfuz i censurës për Facebook. Arabia Saudite ka bllokuar dhe zhbllokuar qasjen në Facebook ...brenda një dite.
Gjatë mëngjesit të ditës së djeshme, Associated Press njoftoi se Komisioni i Arabisë Saudite për Teknologji dhe Informacion kishte ndaluar qasjen në Facebook, për siç thuhej, "shqetësime morale."

Megjithatë, ishte thënë se ndalesa është "e përkohshme." Madje shumë e përkohshme, sepse disa orë më vonë e njëjta ishte hequr. Nuk janë dhënë arsye të veçanta për bllokimin ose zhbllokimin e qasjes për Facebook.

Arabia Saudite aktualisht ka më shumë se dy milionë përdorues në këtë rrjet social.

Nëse ndonjëri prej lexuesve të Telegrafi.com gjendet tani në Arabinë Saudite, ne do të dëshironim të dinim nëse përdoruesit e Facebook atje mund të qasen në rrjetin social.