Optimizmi i kosovarëve pëson rënie drastike

“Gallup’ dhe “Fondi Evropian i Ballkanit” prezantuan rezultatet nga anketa “Monitorimi i Ballkanit 2010”, duke vlerësuar se 91 për qind e kosovarëve mendojnë se qeveria është e korruptuar, ndërkaq sa i përket krizës ekonomike pohohet se edhe shqiptarët e Kosovës, tradicionalisht optimist, duket se janë goditur rëndë.
Pas katër vjetësh, tendencat e Monitorimit të Ballkanit tregojnë se si mendimet dhe kushtet në terren kanë ndryshuar dhe rezultatet përmbajnë disa lajme të këqija dhe disa të mira.

Sa i përket vlerësimeve negative, ato kanë të bëjnë me krizën ekonomike. “Rreth 52% e të anketuarve në Kroaci dhe 78% në Serbi thonë se ata luftojnë për të qitur fundin, edhe shqiptarët e Kosovës, tradicionalisht optimist, duket se janë goditur rëndë – rritje 19 për qind, tani 54% që nga viti 2009”.

Me përjashtim të Serbisë dhe Maqedonisë, shumica e njerëzve të papunë shohin perspektivë pune si të zymtë, p.sh. 74% të të papunëve në Bosnje dhe Hercegovinë nuk e besojnë se ata do të gjejnë punë në 12 muajt e ardhshëm.
Ndërkaq, sa i përket besimit në institucione, vetëm 26% e kroatëve dhe 35% e serbëve u besojnë qeverive të tyre, kisha ka humbur pozitën e saj si institucioni më i besuar i rajonit.

Ndryshe, mbështetja për BE-në në Kroaci është në rënie. Vetëm 25%, nga 35% në vitin 2006 shohin se pranimi në BE të jetë një 'gjë e mirë'.

Si pozitive shihet përfaqësimi politik. Në të gjitha vendet, veçmas Serbisë, njerëzit ndjehen gjithnjë e më shumë të përfaqësuar nga politikanët.

“Frika e luftës ka rënë kudo në vitet e fundit, p.sh. pjesa e boshnjakëve që janë të sigurt se nuk do të ketë një luftë tjetër në rajon është rritur shpejt jetë 22 poena të përqindjes që nga viti 2009. Ndërkaq, mbështetja e BE-së, me përjashtim të Kroacisë, më shumë se dy të tretat e banorëve të Ballkanit besojnë në fuqitë transformuese të BE-së dhe do të votojnë në favor të anëtarësimit në BE”.