Bosnje, supozohet se janë gjetur eshtrat e 11 kosovarëve.

Bajina Bashta – Autoritetet boshnjake dhe serbe deklarojnë se kanë gjetur eshtrat e 451 personave në brigjet e liqenit Peruçac, gjatë punimeve për mirëmbajtjen e tij.
Zyrtarët nga Komisionet për persona të zhdukur në Bosnjë dhe Serbi thanë sot, se 372 pjesë janë gjetur në pjesën bosnjake të liqenit që ndodhet mes dy vendeve, ndërsa 79 persona të tjerë në pjesën e Serbisë.

Autoritetet thonë se mbetjet u përkisnin së paku 97 njerëzve, por vetëm analiza ADN, do të tregojë numrin e plotë dhe identitetin e personave të pajetë. Agjencia AP raporton se shumica e viktimave ishin të vrara nga serbët në fillim të luftës në periudhën 1992-1995, në qytetin e afërt Vishegrad.

Ekspertët supozojnë se kanë gjetur edhe mbetjet e 11 shqiptarëve të vrarë gjatë luftës në Kosovë.