Facebook prezanton revolucionin e komunikimit

San Francisko, 16 nëntor - Paralajmërimin se Facebook lanson e-mailin vrasës, e ka demantuar themeluesi i tij, Mark Zuckerberg.
“Ky nuk është e-mail vrasës. Është sistem i dërgimit të mesazheve, i cili përmban në vete edhe e-mail adresën, si një nga tre pjesët përbërëse”, ka shpjeguar gjatë prezantimit të djeshëm Zuckerberg, transmeton gazeta “Huffington Post”. Ai shtoi se fjala është për tri gjëra, të cilat Facebook do t’ia prezantojë të gjithë përdoruesve të tij, dhe i quajtur si “mënyrë mbi të cilën duhet të funksionojë e ardhmja”.
E pare është i ashtuquajturi sistemi “seamless messaging”, përkatësisht dërgimi i mesazheve përmes SMS-ëve, e-mailit apo IM-it. E dyta është arkiva e të gjthë bisedave, që në fakt paraqet, për shembull të gjitha bisedat tuaja me miqtë në Facebook në një tekst. E treta dhe e fundit është sistemi i postës elektronike, ku përdoruesi filtron se cilat mesazhe dëshiron t’i sheh.