Platforma e Apple për reklamim mbërrin në Evropë

Apple iAd, platforma për reklamim mobil të cilën kompania e ka paraqitur gjatë kësaj vere së bashku me sistemin operativ iOS 4, në Evropë vjen gjatë këtij dhjetori.
iAd mundëson reklama interaktive të bazuara në teknologjinë HTML5, që përdoruesve u mundëson të shohin reklamën pa dalë nga aplikacioni në të cilën ndodhen për momentin.

Platforma mobile për reklamim e Apple është nisur fillimisht në Shtetet e Bashkuara të Amerikës, mirëpo këtë dhjetor arrin në Britani të Madhe e Francës, derisa në janar të vitit të ardhshëm do të duhej të jetë operacional edhe në Gjermani.

Në mesin e të parëve të cilët do të fillojnë të paraqesin reklamat e para evropiane në iAd janë L’Oréal, Renault, Louis Vuitton, Nespresso e Perrier.