Porsche Cayman R tregon dhëmbët në Los Angeles

Edicionin e sivjetmë të panairit të automjeteve në Los Angeles Porsche do ta shfrytëzojë për të na shfaqur versionin më të fuqishëm të modelit Cayman. Ani pse ishte supozuar se automjeti do të quhet Club Sport, gjermanët kanë vendosur të vazhdojnë me filozofinë e përpunimit dhe e kanë emëruar atë thjesht vetëm – R.
Cayman R është më i lehtë dhe i fuqishëm sesa versioni standard i Caymanit. Inxhinierët e Porsche kanë larguar pajisjen e aklimatizimit dhe audio sistemin, si dhe kanë montuar rrota 19-she më të lehta të aluminit dhe ulëse sportive të përpunuara nga fijet karbonike.

Rezultati i këtij veprimi është pesha 55 kilogramë më e ulët, e falë avancimit të lehtë të motorit bokser 3.4-litërsh me gjashtë cilindra, fuqia është rritur për 10 kuaj fuqi në gjithsej 325 KF. Përshpejtimi prej zero deri në 100 kilometra në orë zgjat pesë sekonda me marshin mekanik prej gjashtë shpejtësish, respektivisht 4.7 sekonda me marshin automatik DSG. Shpejtësia maksimale? 280 km/h

Fillimi i shitjes është paralajmëruar për shkurtin e muajit të ardhshëm, e në Gjermani ky automjet do të kushtojë 69.830 euro me tatim. http://www.telegrafi.com/fo/2010/cayman3.jpg