Juan: Te Flamengo, pasi të më përfundojë kontrata

Mbrojtësi i Romës, Juan, ka deklaruar se ai dëshiron t’i japë fund karrierës te ish-klubi i tij Flamengo, mirëpo jo derisa t’i përfundojë kontrata aktuale me Giallorossët.

Juan e filloi karrierën me ‘Mengao’ para se të transferohej te Bayer Leverkusen në vitin 2002, ndërsa në vitin 2007 ai kaloi te ekipi italian.

“Padyshim se do të kthehem. Që kur u largova nga Flamengo, kam menduar për kthimin tim”.

“Kam një kontratë (me Romën) deri në vitin 2013 dhe planifikoj t’i shkoj deri në fund”.

“Nëse në atë kohë dera e Flamengos është e hapur, atëherë do të kthehem me dëshirë”, ka thënë 31-vjeçari, ndërsa citon La Repubblica.