Juan Manuel Santos, presidenti i ri i Kolumbisë

Juan Manuel Santos, presidenti i ri i Kolumbisë

Kandidati i partisë në pushtet në Kolumbi, Juan Manuel Santos, ka fituar raundin e fundit të zgjedhjeve presidenciale në Kolumbi. Santos mundi rivalin e tij të Partisë së Gjelbër, Antanas Mockus, me më shumë se 40 përqind.
Santos ka të njëjtën politikë të vijës së ashpër si edhe presidenti që po largohet Alvaro Uribe për çështjet e sigurisë.

"Ne kemi qenë të vendosur në luftën kundër terroristëve dhe trafikantëve të drogës. Dhe pas datës 7 gusht ne do të jemi akoma edhe më të vendosur. Ne kërkojmë lirimin pa kushte të të gjithë pengjeve. Qeveria ime do ti mbajë dyert e hapura për të gjithë ata që duan të heqin dorë nga terrorizmi dhe që kërkojnë të rikthehen në shoqëri. Por po përsëris këtë paralajmërim për FARC dhe grupe të tjera të dhunshme. Koha juaj ka marrë fund", tha presidenti i ri i Kolumbisë. /bbc/