Erdogan i kërkon Pakistanit ta njohë Kosovën

Disa orë pas takimit me kryeministrin e Kosovës, Hashim Thaçi, kryeministri i Turqisë, Recep Tayyip Erdogan, ka folur në telefon me kryeministrin e Pakistanit, Syed Yusuf Raza Gilani, të cilit i ka kërkuar që ta njohë pavarësinë e Kosovës- raporton KTV.
Bëhet e ditur, se në përgjigjen e tij, kryeministri i Pakistanit ka thënë se vendi i tij është duke e monitoruar me kujdes situatën rreth kësaj çështjeje.

Sipas të njëjtit burim, Gilani ka thënë se Pakistani do të presë mendimin e GJND-së para se të marrë një vendim për Kosovën. /koha