Serbia nuk e pranon njohjen e Kosovës si kusht për në BE

Gjatë qëndrimit në Nikozi të Qipros, presidenti i Serbisë, Boris Tadic, ka deklaruar se Serbia asnjëherë nuk do ta pranojë njohjen e pavarësisë e së Kosovës si kusht për të hyrë në Bashkimin Evropian.
Pas takimit me presidentin e Qipros, Dimitris Christofias, në një konferencë për shtyp, Tadic ka thënë se nuk pret të vendoset një kusht i tillë, për arsye se Serbia kurrë nuk do ta pranonte.

Qiproja është njëri nga vendet që nuk e ka njohur Kosovën, ndërsa mediat transmetojnë se edhe Tadic ka thënë se Serbia nuk do ta njohë asnjëherë Qipron Veriore.