Hajnat në Bullgari vjedhin 1.580 qebapë

Hajnat në qytetin Razgrad të Bullgarisë nga një dyqan për ushqim të shpejtë gjatë festës së Vitit të Ri kanë vjedhur 1.580 qebapë dhe qofte dhe i kanë siguruar vetes kënaqësi për këtë festë.

Policia ka njoftuar se pronari 52 vjeçar e kishte mbyllur dyqanin e tij më 31 dhjetor, e kur e ka hapur sot ka marrë vesh se ishte plaçkitur.

Hajnat e pangopshëm nuk janë kënaqur vetëm me mishin e skarës, por me vete kanë marrë edhe 60 shishe birra dhe 24 kanaqe Coca Cola e Fanta, thuhet në njoftimin e policisë vendore.

Nga dyqani janë marrë edhe 33 levë (rreth 17 euro), e dëmi i shkaktuar vlerësohet rreth 500 euro.