Edhe Dell me ministrat në Bullgari

Ambasadori amerikan në Kosovë, Christopher Dell, do t’u bashkohet të martën gjashtë ministrave të Qeverisë së Kosovës, të cilët po qëndrojnë në Bullgari ku janë duke hartuar planin e Qeverisë për zhvillim ekonomik të vendit.
Ndërkaq bëhet e ditur se të mërkurën, këtij grupi do tu bashkohet edhe kryeministri, Hashim Thaçi, raportojnë mediat.

Gjashtë ministra të Qeverisë së Kosovës po qëndrojnë në Bullgari ku janë duke hartuar planin e Qeverisë për zhvillim ekonomik të vendit.

Me ndihmën e Komisionit Evropian, Bankës Botërore dhe USAID-it, atje do të vendosen pikat kryesore të Planit të Punës së Qeverisë. /Telegrafi/