E dërgoi cjapin (jo te kasapi) por për t’i gjetur dashnore

Një burrë romantik nga Polonia kishte vërejtur me kohë bukurinë e cjapit të tij, por ajo që e kishte prekur më shumë në zemër ishte pikëllimi dhe vetmia e tij.

Kështu vendosi t’ia gjejë një dashnore, e futi në makinë dhe u nis drejtë fermës së një mikut të tij, në të cilën u përpoq t’ia gjente ndonjë dhi të hijshme.

Arriti dhe e lëshoi cjapin në kopenë e dhive për tu njohur me to, ndërsa gjatë asaj kohe me mikun e tij ngriti një dolli për dashurinë e re të cjapit.

“Pinë disa vodka për ta thyer akullin, pastaj edhe disa për ta festuar dashurinë e qiftit të ri, ndërsa kur shoferi vendosi të kthehej në shtëpi me cjapin tashmë aspak të vetmuar, ishte bërë tapë”, shkruan Metro.

“Na erdhi keq, por ai paraqiste rrezik në komunikacion. U detyrova t’ia konfiskoj patentë shoferin, ndërsa ka mundur ta hajë edhe burgun”, tha polici i cili e kishte ndalur shoferin e dehur.