Mourinho: Messi nuk e ka merituar çmimin

Zyrtarisht trajneri më i mirë në botë më 2010, Jose Mourinho, përsëriti qëndrimin e tij për ndarjen e “Topit të Artë” dhe tha se atë e ka merituar dikush tjetër.
“Tashmë kam folur për këtë. Xavi, Iniesta dhe Messi janë lojtarë nga një planet tjetër, kanë luajtur në mënyrë shumë mbresëlënëse, por do të dëshiroja më shumë që dikush tjetër të ishte në podium. Sneijder dhe Milito kishin një vit të shkëlqyer me Interin”, tha Mourinho.
Ai shtoi se çmimin do ta harrojë shpejt dhe se “nuk është trajneri më i mirë në botë”.
“Unë jam vetëm trajner, i cili sezonin e kaluar udhëhoqi ekipin më të mirë në botë, dhe një ekip të madh po udhëheq edhe tani”, tha Mourinho.