Messi e Mourinho, më të paguarit

Paris, 22 mars – Lionel Messi dhe Jose Mourinho fitojnë më së shumti në futbollin botëror, ka treguar një studim i gazetës “France Football”.
Ylli i Barcelonës dhe zyrtarisht futbollisti më i mirë në botë, Lionel Messi, vitin e kaluar nga paga dhe kontratat me sponsorë ka përfituar 31 milionë euro. Pas tij janë lojtari i Realit, Cristiano Ronaldo (27.5 milionë euro), lojtari i Manchester United, Wayne Rooney (20.7 milionë euro).
Ndërsa listën e trajnerëve më të pasur e kryeson Jose Mourinho me të ardhurat vjetore prej 13.5 milionë euro, pasojë Pep Guardiola me 10.5 milionë euro dhe ish-trajneri i Interit, aktualisht pa angazhim, Rafa Benitez me 10.2 milionë euro. Në vendin e katër është një përzgjedhës – Fabio Capello, i cili vitin e kaluar inkasoi 8.5 milionë euro.
Më fitimprurëse është të luash në Premier League, nga ku vijnë 7 nga 20 futbollistët më të pasur.