Vazhdon nënshkrimi i peticionit kundër Martyt

Luginë e Preshevës, 13 janar - Peticioni kundër raportit të Dick Martyt, i organizuar nga shoqata e luftës së UÇPMB-së do të nënshkruhet deri të shtunën, më 15 janar, ka bërë të ditur Organizata e Veteranëve të Luftës së UÇPMB-së të enjten.
Siç njoftojnë përfaqësuesit e organizatorit, në Preshevë dhe Bujanoc qytetarët e Luginës së Preshevës i janë përgjigjur pasivisht peticionit kundër raportit të Dick Martyt.
Peticioni është publik, ndërkohë që deri më tani nuk ka pasur ndonjë vërejtje apo pengesë nga organet serbe të sigurisë.
Ndërkohë, OVL e UÇPMB-së në Luginë, përmes një komunikate, lajmëron se grumbullimi i nënshkrimeve lidhur me peticionin në fjalë vazhdon deri më 15 janar të këtij viti.
Nënshkrimi i peticionit bëhet në zyrat e OVL të UÇPMB-së në Preshevë e Bujanoc, për çdo ditë nga ora 09:30-15:00