Pacolli nuk e ka problem nëse mbetet jashtë qeverisë

Kryetari i AKR-së, Behgjet Pacolli, ka thënë se nuk do ta ketë fare problem nëse PDK-ja dhe AAK-ja do të qeverisnin së bashku.

Për më shumë, siç raporton Zëri, Pacolli ka thënë se ndoshta kjo do të ishte një lehtësim për Koalicionin Kosova e Re.

Ndërsa, lidhur me aleatët e tij parazgjedhorë në kuadër të këtij koalicioni, kreu i AKR-së, ka thënë se ata kanë dhe do të vazhdojnë të kenë qëndrim unik karshi pozicionit të ardhshëm në kuadër të institucioneve.

“Nuk kam dëgjuar. Por nëse është e vërtet, mua asgjë nuk më prish punë , absolutisht jo , ngase ne nuk varemi nga postet në koalicionin e ardhshëm qeveritar. Bile, ndoshta, kjo do të ishte një lehtësi për neve”, ka thënë Pacolli.