DASH: Nuk u përfillën thirrjet për qetësi

Washington, 21 janar - Sekretari i Departamentit të Shtetit amerikan për Marrëdhëniet me Jashtë, P.J. Crowley, shprehu shqetësimin për dhunën e ushtruar sot në Tiranë. Ai shprehu keqardhjen për humbjen e jetëve, duke nënvizuar se nuk u morën parasysh thirrjet për qetësi. “Demonstrata nuk ishte paqësore dhe nuk u morën parasysh thirrjet për qetësi para demonstratës. U mësua me keqardhje për personat e vdekur dhe të plagosurit”, thuhet në deklaratë.
Sipas tij, përdorimi i retorikës provokuese nga politika nuk i bën mirë popullit shqiptar. “Përdorimi i retorikës provokuese dhe sugjerimi apo toleranca e çdo lloj dhune i shkakton një dëm të madh popullit të Shqipërisë, cili meriton më shumë se kaq”, tha Crowley në konferencën për shtyp.
Nën anën tjetër, në një prononcim nga Vilnusi, kryesuesi i OSBE-së, ministri i Jashtëm lituanez, Audronius Azubalis, bëri thirrje për përmbajtje nga dhuna e mëtejshme, pas përleshjeve që shkaktuar vdekje dhe plagosje të shumta sot në Tiranë.
“E drejta për të demonstruar vjen me një përgjegjësi për ta bërë këtë në mënyrë paqësore”, tha Azubalis.
Ai vuri në dukje se OSBE-ja dhe Prezenca e saj në Shqipëri do të vazhdojë të punojë dhe të mbështesë përpjekjet e autoriteteve në Shqipëri, institucionet dhe aktorët e shoqërisë civile për të konsoliduar demokracinë, të drejtat e njeriut dhe sundimin e ligjit, transmeton Start.